【回帶】我出軌,但男朋友同我求婚 …

0
365

有位港女曾喺 beautyexchange 開過一個咁嘅 PO:

我出軌,但男朋友同我求婚…

呢件事我身邊所有朋友都唔知,除左上網問大家意見之外,我唔知可以點做。

我同男朋友拍左拖三年,佢好溫柔,好照顧我,當我係佢生命既重心咁看待。除左我,佢幾乎唔會約朋友同同事,所有時間都俾哂我,有時我星期六日約朋友食飯,佢都會有微言。朋友會覺得我好幸福,但其實我覺得有d無形壓力。

幾個月前有次跟朋友出去飲野識左個男仔,佢同我男朋友好唔同,佢係個好有主見好有趣既人,興趣啊傾計各方面同我都好夾,flirt flirt下就一齊左,我認我衰,本身諗住冷落下男朋友過多排同佢就會fade out,但估唔到男友前幾日同我求婚…

我好耐以前曾經開過玩笑講過話佢要扮某個我好鍾意既卡通人物同我求婚我先會應承,點知佢真係會記得,仲上淘寶淘左套公仔衫扮佢,雖然係好核突,但我知道平時佢面皮咁薄又木木獨獨咁,要為我準備呢個驚喜對佢來講係個好大既突破,佢同我講想我以後都開心幸福想一世照顧我,但果下我其實係內疚多過感動,知道佢為我付出左咁多我仲背叛佢… 果下個腦空白左,加上唔想佢尷尬,我應承左求婚,見到佢個開心樣真係又自責又後悔。心果句,我唔再愛佢,同佢一齊咁耐點都有d習慣,佢專一而且對我好,作為丈夫應該係一個好好既選擇。成日話最愛都唔係結婚果個,應該揀一個對自己好既人行落去,我應該點做?

 


網民睇到當然鬧爆 :

「麻煩你唔好害你男友,  即刻同佢分開」

 

「你男朋友好慘 !如果佢知道真相,果種以為自己好幸福,但原來比人背叛嘅感覺真係會好難受,以前男朋友試過出軌,我明果個感受,唔好害你男友啦,唔愛佢就分手啦」

 

「我係女仔都覺得你賤,拍左三年,一直都好好,因為新鮮感而出軌。好呀,你飛你男友、同新歡一齊啦,佢一定搵到個比你更愛佢既女仔!」

 

「你走啦~ 你男朋友咁好 你配佢唔起啊 !!!!!」

 

「人類真係好犯賤。你咪鬼同你男友分手後又發覺咩原來最愛係佢個d 屎忽野。講出黎真係比人打」

 


事主就回應網民:

其實我開post係想問大家意見,而唔係叫大家入黎鬧我賤。每個人都值得被愛,每個人都有權去選擇最適合自己既對象,唔係從一而終同人結婚就叫做負責任叫做愛。真正愛一個人,係從對方出發,而唔係以自己以為係愛既方法去愛人。

佢值得一個更愛佢既女仔,我亦值得一個更愛我,而我又好愛既男人。

只有愛唔愛,無配唔配


其實呢個 PO 已經一年前 … 最近有網民拎返出嚟討論,又再次成為熱話!

究竟事主現在點呢?同男朋友結咗婚定婚咗手?

只知事主回覆完網民後,就無再喺 beautyexchange 留言,無法得知佢近況 ……

來源自網絡

留言

留下一個答复

Please enter your comment!
Please enter your name here