擁有港女, 你幸福嗎? 港女『七宗罪』, 其實踩中左你幾多條?

0
3537
先講明, 配圖和內文無關.
 
港女一詞原泛指香港的女性,語調中立,常用於報章標題,但於香港網絡用語上則作貶義用。 近年網上討論區每當批評香港女性時,文章不時採用「港女」一詞。By Wiki

越黎越多香港男人選擇台妹,大陸妹,甚至係泰妹做老婆,究竟港女犯左咩錯呢?我地一齊黎細數下『港女七宗罪』(文中港女指真港女,一般香港女性請勿對號入座)


1:瘋狂收兵大行動
有D港女,自持有幾分姿色,(有D其實無姿色),周圍放電,不會放棄任何機會,也不打算令任何兵放棄,定時餵食兵糧,以多兵為榮,
升级版:對外公佈:『我無收兵!人地要對我好我阻佢唔到嫁喎.』


2:金錢觀念薄弱
金錢觀念薄弱一般唔係對自己嘅金錢,而係對另一半嘅金錢,食Tea?茶記嗰D唔叫Tea. 我平時食開HI Tea嘅. 無得影相打卡嘅地方唔好約我Tea. 300蚊食Tea? 好抵呀!我平時食開500嫁!你送個COACH袋比我, 我點拎出街呀, 兩千零蚊袋比人笑死呀, 阿邊個邊個男朋友都係送LX啦
升级版:Hi Tea.影相,打卡,自拍,whatsapp,Facebook. 全程同食物/對面條友零交流。到埋單時再擲多句,其實D野唔係太好食,下次搵第二間啦。


3:無車唔好約我
‌有D港女,可能以為地鐵會直接送佢地返大陸,所以好拒絶任何公共交通公具,想約我?揸車黎啦,的士?唉,唔係好想坐,不過是但啦,你記得黎落車位接我幫我俾車錢就得了。
升级版:公共交通工具只有的士,私家車必須為二十萬以上車款, 唔係唔好黎接我. 

‌
‌4:你屋企人係你屋企人,我屋企人都係你屋企人
‌愛屋及烏其實無問題,不過對港女黎講,相對論並不成立,大時大節最好係買定禮物俾我同家人,過年記得送份好好睇睇嘅俾我屋企,你屋企?唔去啦,你求其買份野話係我買嘅就得啦,我唔想見到你屋企人呀。
升級版:你自己簡, 要我定要你屋企人, 你想陪家人, 得, 我地分手啦!


‌
‌5:旅行無定向喪心病狂
‌日本同韓國/台灣唔叫旅行,嗰D叫反鄉下,歐洲都ok嘅,拿,我唔鐘意追行程,你每日俾返5個鐘我行商場就得嫁啦。
升級版:呀,仲有呀,我唔想追行程,好辛苦嫁,不過我要去邊度,邊度同邊度啦,呀,仲有呀,阿邊個話嗰度D野好好食嫁,我想去呀,仲有邊度呢……………

6:公審性格, 本小姐永遠是對的
每逢上網有任何公審POST, 如果被審對像被女性, 一般都會留言, 指出該女有咩問題有咩錯, 正八婆, 臭X等等. 就算唔留言, 亦會心想:『呢D八婆真係賤, XXXXX之類』, 就算跟車太貼而生意外, 亦都無怨無悔. 
升級版: 跟車太貼後『人地講你就信, 一睇就知係做出黎博同情啦, 講你地班人又信』. 死不知錯死不悔改. 

7:照騙無極限, 電話修圖十級. 
一般港女都好反感國內事物, 除左修圖科技, 美顏相機, 美圖秀秀, B612, 每次發相前都必須PPPPPPPPPPPP, 向外間表現一個最完美(假膠)的自己. 
升級版:大P後必然會CAPTION寫明:『今日好殘呀』『呢兩日好唔舒服呀』『哎呀, 又肥左啦』等引憐文. 




其實, 港女有時真係唔止上面D野, 我只係隨便節錄幾樣, 可能有人覺得筆者係一個自悲無女溝港男, 所以先列到咁多野. 
如果係咁, 恭喜晒, 你完全係有成女嘅潛質. 

如果你身為男性, 而身邊女性無上面任何一樣, 巴打我恭喜你, 你嘅異性運真係好好. 


可能, 我的確係一個失敗(受儘折磨嘅)港男, 不過, 香港人有一樣優點我都有, 就係屢敗屢戰! 我會繼續努力去溝港女嘅! (鬼咩, 我都唔識台妹)


今次就嗡到呢度, 下次有咩神經再同大家分享.

留言

留下一個答复

Please enter your comment!
Please enter your name here