日日都係巴士見到靚女 , 教你係巴士上識女技巧 (附個人經歷)

0
1793

考緊試果陣, 有人叫我講下巴士上識女仔ge野,

我答佢: ok, 不過考完試先~

今日終於考完, 可以同大家分享一下

事先聲明, 我係仔, 一個中學生… 以下係我上左中學識女仔ge 搭訕方法, 所以末必岩大家用 純分享

講起見到靚女或者心儀ge 類型, 好多時都會係巴士站等車, 甚至等緊巴士見到,

但好多人見到又唔敢上前傾計, 得個望字, 仲慘過望夫石

接下來, 我就同大家講下點樣可以係巴士上面識女仔

第一: 良好的心理質素

上前同個女仔搭訕, 其實好簡單,

好多時唔敢做係因為怕瘀, 但係唔洗驚,

你未識佢之前咩都無, 到你比人拒絕左你一樣係咩都無,

搭訕根本就係一場唔會輸ge 賭博, 只要記住 : nothing to lose 呢句說話, 包你大膽好多

ok, 之後就係個心要冷靜~

宅男見到靚女會點呀? 腳震手震口啞啞面青青發冷過熱咩都有,

麥太講得出ge 都中齊咁滯

要解決唔難, 只要你有電話, 最好就iphone, 唔理有事無事拎出黎禁下篤下,

扮有野做, 精神就會分散 有iphone 更可以拎黎上下網, 舒緩壓力一流

無電話無iphone, 你可以整下d 衫, 整下手指甲, 或者扮睇下錶,

道理一樣, 分散注意力! 同時有時間比你諗下之後點打開話題~

所以話, 溝女一定要冷靜

第二: 選擇座位

係巴士上面見到個靚女, 心急ge 你唔好即刻坐埋人地到,

咁樣反而會嚇親人, 使人反感

我地應該睇情況去決定, 坐下層ge 可以坐對面, 坐上層ge 可以坐後面或者前面,

分開得黎又容易講野, 唔使拎住個大聲公由車頭嗌到車尾

有人問: 人多時候點算

呢樣野就真係睇彩數啦, 好多時上層兩個座位得一個人坐,

一個二個怕坐埋佢惹人懷疑 (基基) , 其實係唔會嫁

到時各位師兄見到靚女想識坐埋去, 一樣唔會惹人懷疑嫁~

如果坐滿曬人我都幫你唔到啦

第三: 打開話題

呢個時候, 就要一決生死啦~

最好ge 方法就係留意人地, 但唔好上下打量, 咁樣唔單止好反感, 仲會比人告性騷擾, 無謂溝女溝出禍

留意ge 意思, 係不時睇下佢身上面有無d 特別ge 飾物, 或者睇下佢有無用iphone 玩緊d game / 聽緊ge 歌係識ge,

咁樣開口問聲: hi~ 咩你都中意玩咩咩game, 聽咩咩ge 歌嫁飾物的話, 可以問: 呢個xxxx 我好似係邊到見過, 好似好貴tim 喎

第一句ge 問題咁就問左, 好多時d 人都會肯答你ge, 不過個樣係要 , 唔要

另外仲可以扮唔識路, 同個女仔講: 借問聲, 知唔知道邊到邊到要點去, 邊個站下車最好

無論人地答你知定唔知, 話題都已經打開左, 要點接下去就睇你造化

最後一個方法, 讚~

一般女仔聽到人讚佢, 表面上一定無咩野, 其實個心一定會好開心,

女仔始終係貪靚, 東施咁樣衰都要扮姣就知女人係貪靚ge 動物,

比人讚點會唔開心

for example:

(i) 我岩岩遠睇見到你對眼好靚, 原來近睇隻眼仲係識得講野

(ii) 小姐/妹妹 (女人中意後生, 道理同係街市見到阿婆都要嗌靚女一樣), 你個樣好甜啊

(iii) 你波波好大啊 (相信會得到十個手指印)

用邊個方法就睇個人喜好, 食左檸檬就同自己講: nth to lose, 阿q 精神幾時都有用

第四: 埋尾

搭訕時間唔好長, 最好要5-10mins 為限, 講得太多會令個女仔對你無興趣,

高手可以係呢個時間內, 拎到fb / phone no.

如果人地話要下車, 你可以直接問佢可唔可以比電話我, 我想同你做個朋友

如果自己趕時間, 可以同佢講, 我見大家都幾岩傾, 可以做個朋友嘛? 我趕時間, 或者你比fb / 電話我丫

大家都唔趕時間的話, 惟有自己下車拎多幾蚊出黎再搭下一架, 溝女係要洗錢, 有付出先有收獲, 雖然不一定成正比


總結:

搭訕識女仔唔洗怕無面, 因為你無野輸

識女仔一定要大方有禮, 寸寸貢樣衰衰鹹鹹溼溼鬼要你, 咁都要我勸你收手, 果個女人一定有問題

心要靜, 人要定, 揀個座位坐定定

時間唔好過10mins, 講多無癮

拎到fb / 電話好收手, 唔係你就無得還手

如有錯字請pm 我, 費事check

「「「「「「「「「「「「「「「「「「「「「「「「「「「「「「`

我知就咁講大家都未必信嫁啦,

我惟有拎一次ge 搭訕經驗出黎分享一下

話說呢件事都已經係09年 ge事,

果陣時我放緊暑假, 搭緊171 出深水埗,

當係我仲有兩三個站就下車果陣時,

一個女仔走左上黎上層, 年紀望落同我差唔多,

樣貌身材都算唔錯, 起碼好過一般學生妹, 個樣好清純, 岩曬我中意果類型

佢望左一陣架車d 位, 之後揀左坐我前面

當時我搭訕經驗尚淺, 根本無諗過去識人, 個心同大部分宅男一樣,

見到心儀ge 女仔個心就係咁跳於是我惟有迫自己冷靜落, 用電話照下鏡執下個樣,

再望下佢, 一股淡淡體香傳入我鼻中, 真係差d 暈低

留意多佢一陣, 見到佢ipod 入面聽緊首歌叫 last farewell, 韓文歌黎,

之後我諗到講咩啦~ 我拍一拍佢膊頭, 佢另轉頭見到我, 其實都有d 愕然,

我惟有微笑一下 (其實全程keep 住係咁微笑, 費事見到佢我緊張ge樣),

我hi 左佢一下, 講左句你好, 之後問佢: 我見你ipod 入面首歌係big bang 嫁喎, 你都好中意big bang 嫁

佢初時都有d 唔想理我, 但都好好人咁答左我一句: 係呀

我見佢肯答我, 我當然唔會放過呢個機會啦

之後我問佢, 有無聽過haru haru (一天一天, big bang 名曲) 呢

佢答我未, 仲話佢岩岩先聽kpop, 唔係咁熟, 之後我介紹左唔少團隊比佢知,

仲同佢傾佢最中意ge 東方神起, 大家愈傾愈多, 直到我差唔多下車果陣,

我好有禮貌咁笑住問佢: 係呢, 我就黎下車啦, 可唔可以比你個電話我 ?

佢初時問左我一句點解… 之後我答佢: 因為我見同你幾岩傾, 大家又中意kpop, 相信緣份都希望我地兩個認識, 做個朋友

佢聽完之後笑左一笑 (可能笑我傻仔掛), 佢叫我比個電話佢, 佢入左比我, 仲叫我今晚搵佢

無幾耐我就要下車, 佢仲坐係巴士上層窗口位同我揮手

呢次係我最記得ge 一次, 因為之後我同佢真係好多野都岩傾,

原來佢同我一樣, 都係中意kpop + 羽毛球, 好多時我同佢都有興趣做每一樣野,

傾電話都可以傾好耐, 最後佢仲成為左我第二個女朋友

不過好不幸地…佢10年2月移民左去uk, 之後再無見過, 迫住分手, 不過呢d 係題外話, 表過就算

呢次應該算係一次成功ge 搭訕經歷啦掛

如果大家咁都唔信我無野好講lu

 

<來源自網絡>

留言

留下一個答复

Please enter your comment!
Please enter your name here